نحلم ..منحلمش ليه
نحلم ...آه أكيد نحلم
منحلمش ليه يعني
سككنا ماشية أهي من غير ما نسلم
مرة نفرح ونغني ..
ومرة نحزن ولغيرنا نهني
أدينا النهار ده كسبنا ضحكة
على وش طفل يلعب ببراءة
مع إننا امبارح شفنا دمعة
على وش شيخ والله ذباحة
واحدة بواحدة ..والدنيا براقة
نشوف .. آه أكيد نشوف
يا ما في الدنيا لقطات خوف
إذا كان على هنا ..كله يهون
بس الخوف كل الخوف من هناك
يا اااا الله ...نسألك تكون لينا عون
هنا أكيد ..عشان نبلغ هناك
نمد إيدينا لناس لاقيناها
البسمة على شفايفها
والدمعة براقة في العينين
نسألها ..ازايها
تقول الحمد لرب العالمين
القناعة عنوان بابها
ومادة ايديها للخيرة
وزي النسمة كلامها
تداوي الجراح بلمسة..
من ايديها
والحنان ينط من عينيها
يا حزن اوع تفكر
تزور أحلامنا وتدور
على مكان فيها وتتنكر
عشان احنا اكيد حنعرفك وهمك نتذكر
أدينا بنحلم أهو
وحتى لو خلصت أحلامنا الليلة
بكرة أكيد فيه التالية جاية
ويمكن ثالثة ورابعة
وأبدا ما ح نبطل نحلم ..
ويبقى الأمل ف حلم جديد لبكرة
سمارة 23
مرسلة بواسطة Samara23 في
الأربعاء, مارس 26, 2008
0 تعليقات:
إرسال تعليق
الاشتراك في تعليقات الرسالة [Atom]
<< الصفحة الرئيسية